Putangina naiinis na ako sa sarili ko.

Tama ba namang mangisay ako sa kilig tuwing nakikita ko litrato nya? E mas bata sa akin yun e! Hindi ko naman talaga alam kung pano nangyari na nagkagusto ako sa kanya. Maganda boses nya, oo - kalaglag panty pa nga e. Pero Jos ko, hindi lang naman sha ang biniyayaan ng Jos ng magandang boses ano? Marami namang iba jan, kasing-edad ko, malapit pa sa akin, kulot din, di hamak na mas gwapo, pero ewan ko ba. Hulog sa kanya e. Nabubuwisit na nga ako kasi parang hindi ko mapigilan sairili ko basta sha na na yung pinag-uusapan.

Nakakainis.

Ako pa naman yung taong hindi makatagal sa babaeng mashadong malandi pagdating sa lalaki. Yung babaeng parating palaging nangangati yung "ano" basta lumalapit yung kinahuhumalingan nya. Nakakaleche kasi ng araw yung mga ganon e. Parang gusto ko nang lumuhod sa harap nung lalake para magmakaawa na pansinin na nya yung pobreng nene. "UTANG NA LOOB! Lapitan mo na! Para matapos na yung kalbaryo ko!" Pero lintek. Kasama din pala ako dun! O di ba? Parang ang sarap maglaslas ng pulso.

Unti-unti ko na tuloy ipinagdadasal na sana hindi na sha pumunta dito. Na hindi na matuloy. Malakas ako kay Lord, baka akala nyo, kaya baka magkatotoo. Di ba, Lord? *sabay kidlat* Lintek, tama na yung ako na lang yung lumuluwag yung garter ng panty basta nakikita ko litrato nya, ayoko naman mahalo sa iba na ipagbibili ang nanay para lang malanghap yung hangin na hinihithit nya, ano? Wag naman ganon. Nakakahiya yun e. Baka naman isipin nung tao na hayok mashado sa kulot ang mga tao dito.

Tapos, Jos ko....malamang isasalang pa ako dun sa mga taong kailangan magsulat tungkol sa kanya. Kung kilala ko yung boss ko, matutuwa pa yun pag malaman nya na hindi ako makapagsalita sa harap nun. Patay na naman ako sa alaska! Anak ng kalungkutan naman o...ngayon pa lang ayoko na.

uuy tagalog
Soulmate ikaw ba yan?! Tagalog na tagalog ah! Matutuwa nyan si Balagtas! Konti nalang pwede mo nang palitan si Cristy Fermin! Haaa Yoh! ano bang magagawa natin jan sa kulot na yan?! Ganun talaga eh! Saka diba sabi mo isang ONE on ONE lang oks na! hehehe!
—mionggay on 2003-10-27 04:36:05

is this tagalog???
whew sucks for me to only know ENGLISH. puhahah
—samuwamu on 2003-10-27 10:50:46

Mionggay...
The only way to get rid of a crush is to meet the crush. Let the one on one come, I'm dying to rid myself of this....
—patrisha10 on 2003-10-28 02:45:39

samuwamu
Yep, that's Tagalog. I tried to write the entire thing in English, but the cuss words didn't feel the same. Come on over every once in a while and I'll teach you.
—patrisha10 on 2003-10-28 02:47:43

Name.

URL.

[to enter your email, use "mailto:youremail@domain.com"]
Subject.

Comment.

Word verification.

Copy the first 4 characters only.

If you are a member, try logging in again or accessing this page here.